حاصلة على شهادات عالمية في مجال تجميل الأظافر من روسيا ورومانيا ، حاصلة على لقب ماستر وشهادة مرشدة أظافر دولياً.خلال خبرتي ذات 7 سنين في المجال علمت مئات الصبايا الناجحات الي قدروا يفتحوا مصالحهن ويصير عندهن زباين . بعد كتير طلب مني لكورسات اون لاين ، من صبايا الي متابعاتني من سنين من كل البلاد العربية، وشايفات مستوى تطبيق طالباتي الي بطلعوا فيه من عندي فقط من اول لقاءات بالدورة ، غير اراء الطالبات بالتعليم الي بتوضح انه التعليم من القلب ، بدون اسرار مخفية ، لانه مقتنعة انه نجاح طالباتي من نجاحي . وكتير رسائل من صبايا بالمجال الي عم يحطوا كتير مصاري ومش عم يطلعوا بمستوى طالباتي وعندهن نقص رهيب بالمعلومات. لهيك قررت اساعد كل الصبايا الي من مسافات بعيدة ، وحابات يتعلموا عندي ، بأني اقدم كورس اون لاين يشرح بتفصيل خطوات شغل الأظافر.
سنة كاملة شغل عالكورسات حتى تطلع بمستوى عالمي ، بدون مينقص ولا معلومة، وتحسي حالك كأنك معي بالصف.